“Heutupa, tangtawn a hinna ka neih theih na ding in bang thil hoih ka hihdia? achi hi.” Matthew 19:16b
Tua I tenna leitung pen I khualzin na maimai hi a, tangtawn hinna I neihtheih nading a tuhun ahi Toupa’n honsap. Tu hun kia a kipahna leh lamet na tuamtuam I neih in zaw I hehpih huai lokha ding. Ka ngaihtuah na ah Toupa’n hiai leitung a hon omsak na san, I lungsim uh hon etkhiak na hiding in ka ngaihtuah mawk hi. Adam hun apat mihingte siatna leh thumang louh na uang lokhin ahih manin. Tangtawn hinna nei a Toupa lalgam I lut theihna ding in thumang na leh Toupa deih bang a i om ngai hi. Tua ding a chihtak na toh Toupa i belh kul hi.
Tua thumang na i chih pen, Toupa dan thu piakzuih ngai hi. “…..hinna a na lut ut leh thupiakte jui in achi hi”. v17. I tangtawn hinna pen tua tuhun a I hinna hi zaw lou in, den ciang a I sihnung/I damlai a Toupa hongpai chiang in kipanpan ding hizaw hi. Van a Kipahman leh gou i neih theih nading in, Toupa deihdan a om a ngai a, Amah pomtak a I hihna peuh a I om ngai hi.
Leitung a omlai I hih ziakin midangte’ adiak a Khrist a I unaupihte panpih ngaite I panpih a, meithai tagahte i hih theih zahzah a I panpih kisam hi. Tulai in mi panpih ahaksa mahmah ta a, mahni angsung kia I khualta ua, midangte panpì ut na lungsim leng kinei nolou a do aw ka chi hi. Tua pen bangziak ado aw maw! Toupa I lauh ding bang a le ki lau zou nolou hiam, Amah i gamlatluat tak ziak uh hiam hiding in ka ngaihtuah a, bangmah hih thei kei mahleng ka po na mahmah a, thumna a amau te phawk ding ahi chih ka thei khe thakthak hi. Tangtawn hinna a i lut theih nading un nang leh kei in, Toupa deihdan i zong ding a, Amah i belh a, Amah Jesu ah iki ngak ngai hi.
– Thangginom Hangshing