Hampha Lua Hihang Maw

0

“Aksi tamdan a sim a; a min uh a sa chiat hi.” Sam 147:4

Tulai natna ziakin buaina tuamtuam nei chiat ding in iki gingta hi. Himahleh thil tuamtuam a buaina i neih lai un hiai thu ah i ngaihtuahna pe zual leng i chi hi. Lungkham a mangbat hun, ki ngaihsiat hun nei vek chiat ding in iki gingta hi. Hiai bang hunte hita in kipah hun hita leh bang ziak a kei ana piang a ana om kha ka de aw? chi’n na ki piak siat hun a om zel sam hia? Lunglel kisa a hehnemtu ding om louh hun leh mite’ lak a vuallel kisak hun na nei zel sam hia? Mihing taksa melpu a hing lai ihih ziak in hiai te nei chiat ding in iki ging ta hi.

Hiai bang a ngaihtuah na tuamtuam suangtuah na i neih lai in i Laisiangthou a i taangtel sim thak leng i chi hi. “Aksi tamdan a sim a; a min uh a sa chiat hi.” – Sam 147:4. En di aksi te bang zah in atam tel mah di? I ngaithuah ngei hia… Pathian thil siam thupi hi na tel e maw, mihingte’ sim seng vual ding hilou aksi hiai zah ta a tam te’ Min a neih chiat uh. Thupi in lamdang hi na tel e!

Pathian in Amah ki batpih a asiam le hilou a thilsiam te maimai le hi chi tel a a thupi bawl leh Amah bang a hon bawl te’ bang zah ta in hon khotuah in, hon kembit tel do aw maw? Tua vuak le hilou, i nute’ gilsung a i om ma nangawn a Toupa’n honna thei khin hitel lai. Thupi lotel.
“Gil sung a k’on bawl ma in k’on thei a, sul a kipan a na pawtkhiak ma in leng k’on koihtuam a, namte kiang a zawlnei din k’on sepkhin” chi in.” – Jeremaih 1:5

Hampha i hih dan, ngaihtuah mah di, bangmah ki saklouh na, ki niam muh na tuamtuam i neih theih lai in kipahthu gen ding ki hau lua hi lou maw? Toupa’n Amah batpih a hon siam a, thil siamte’ tung a thu nei thei dia thupiak hon pia hilai hia, hampha lua hi hang maw. Leitung a i khualzin sung in i thil tuah te’ ki bang kim vek lou ding mah hi, himahleh tua bang a haksatna hiam, buaina i tuah hun in tua i gente ngaihtuah leng i khasiatna ding Toupa mai a omlou lua hi. Tua nak sang in damtak a niteng a i khosak theih khong manpha lotel hi. Second khat sung lel inle kipahthu gen ding i nei chiat hi.

Awle, tukal sung in hiai thu te ngaihtuah na a nei in Toupa kiang ah kipahthu genna in dim leng i chi hi. Tua ahih khomkhom in tulai a natna hiileng i thei a, damlou te ading leh akemtu te Doctor/Nurses te banah, akisai kha te ading in thumna nei chiat leng i chi hi. Toupa Saptuam munchih a omte’ bittak leh Khamuang tak a i om theih na ding unle thum ni.

Simtu te’ Pathian in hon ompih in hon vualzawl chiat hen!

– Thangginom Hangshing

Thangginom Hangshing
WRITTEN BY

Thangginom Hangshing

He is one of our co-founder. Apart from writing our 'Weekly Inspiration' and expending himself  in technological works in church and community, he is also our technological whiz who single handedly created, managed and run this website.

Leave a Reply

Your email address will not be published.

Book Appointment