I Kha Lam Ading Buai Zaw Ni

0

“I taksa hihlum theite sangin I Kha hihlum theite ah lungbuai zaw ni”

Tulai hun ah thu tuamtuam I zak a I muhtheih ding tam mahmah ta hi. Huchih lai in I hinna sapum hon hihlum thei ding a tam mahmah hi; damlouh nate ziak bang, mi’ gilou te ziak bang, ahih keileh khovel a galvan tuamtuam I bawlte uh ziak khong bang hi thei hi. Himahleh hiai te ziak a sihna I tung a hongtung thei ding te I lauh louh ding ahi, I pumpelh theihlouh banah I tung a hongtung teitei ding ahi ziak in. Tua bang hun hongtung ma a, I kha Toupa tuak diing a mansa a I koih a, ki ging gige a I om ding poimoh lua hi. I taksa pum hih se thei te sang a I sihnung a I Kha meidil a apai khak ding luah huai zaw hi. Toupa’ deihdan a I om gige a, hunteng a ki latkhiat a thumna a hun zat gige ei gingtu adia poimoh pen mah leh alou theilou ahi.

I Kha hihlum thei Pathian kiang a pai ding lai, hon hihse thei thil te leh Toupa I lauh zawk a, I hinna ki etchet gige poimoh hi. Tua bang a hon hihse thei te mihing I tuam nungzui in tuam kha tel a, gen ding chilenleng ki gen kim sipsip zoulou ding hi. Eimah leh eimah I ki velchet a, I Kha lam hon bahsak thei te apat I ki hepkhiat sawm ding I mohpuak hi gige hi. Eimah hat a I zoh ding bangmah a om kei a, Toupa hatna muang a kal I suang ding ana hi gige hi.

Tukal I hun zatna ding ah, hiai thu saulou I gelhte ngaihtuah in I hunte zang ding in iki chial ahi. Toupa’n simtute hiai hon om pihin hon vualzawl hen!

“…kha hihlum theilou a sapum hihlum theite lau kei unla, Gehenna a Kha leh sapum hihse thei tuak pa tuh lau zaw un” Matthai 10:28

Amen.

– Thangginom Hangshing

Thangginom Hangshing
WRITTEN BY

Thangginom Hangshing

He is one of our co-founder. Apart from writing our 'Weekly Inspiration' and expending himself  in technological works in church and community, he is also our technological whiz who single handedly created, managed and run this website.

Leave a Reply

Your email address will not be published. Required fields are marked *

Book Appointment