ETTON TAAK HI IN – Part 2

0

1 Timothi 4:12
Na naupanna kuama’n sit kei hen; thugen lam ah, tatdan lam ah, itna lam ah, siangthouna lam ah gingtute’ etton hizaw in.

I changtel pen naupanglam leh tuailailamte ki piakbawl deuh sek hi’n ka thei hi. Himahleh, naupanna ziak suanlam a neihkhak diing lam kia gen ahi in ka gingta kei hi. Eilam a kisitna leh mahni hihna kizahpihna suanlam a i neih naak uh leng uapakha di’n ka gingta hi. ‘Kei zaw……’ chi a i kisit naak ziak a, Pathianthu in ei ah leh ei tungtawn a asep diing daal kha veu kihi kha thei hi. I huchihleh, thil thupi leh lamdang tampi ki-chan kha lawtel diing hiveh aw! (1 Korinthte 2:9)

Naupang lai kisakna hiam, upa lawta kisakna hiam, lai siamlou kisakna hiam, Laisiangthou sinna college a kai khaklouh ziak hiam, kampau siam kisaklouh ziak hiam, mite’n hon muh leh hon zahpih diingdan uh ngaihtuah ziak hiam, zawng leh genthei kisak ziak hiam, chi damtheihlouhna hiam, numei hihna ziak hiam, inn nupi hihna ziak hiam, meithaina ziak hiam, tagah ziak hiam, innsung hoih louh ziak hiamte leh suanlam a i neih sekte tengteng uh, suanlam a neithei lou ihihlam leng i Laisiangthou in hon sinsak ut hi. I hihna leh sepna mun leh dinmun peuh ah ei toh kituak a Khrist mel kilangkhe dia i sepkhiak diing om gige hi.

Tita 2:11 in hon hilh mahbang in, Pathian hehpihna tungtawn in mi tengteng kiang ah hotdamna a hong tung chih i thei hi. Mi tengteng chi himahleh, a saang khempeuh a diing chihna ahi chih i thei hi. Jesu Khrist hotdamna saang ihih leh mi’n hon sit ziak hiam, ei-le-ei kisit ziak khawng suanlam bawl a kalsuankhe ngeilou nilouh khong i hi kha de! Huchidan a suanlam i na bawl sekte pai khia in, thugen lam, tatdan lam, iitna lam leh sianthouna lam ah etton taak di zen in Pathian in ei ah leh ei tungtawn a a sep diing ana daal nawn kei ni. Amah hon sapna leh hih diing a hon deihte pen thupi thei lua ahihman in, ei kisitna leh mi hon sitnate khong toh teh tham ching mahmah lou hi (1 Korinthte 2:9). Ei hon gumpa’n ei hoihna di’n leh Amah thupina kilatna di’n sep diing tampi nei hi (Romte 8:28). Thil tengteng Siamtupa’n eite panpihna poimoh kei mahleh, a nna seppih diing in hon ngai hitel hi (1 Korinthte 3:9). Thupi i sa kei ua hia? Suanlam i bawlbawl lai duam?

Luka 9:26 Kuapeuh keimah leh ka thu zahpih mi zaw Mihing Tapa in, amah thupina toh, a Pa thupina toh, a angel siangthoute thupina toh a hong pai chiang in a hon zahpih ding.

Jesu Khrist mitsuan kawm ni maw, lawmte!

 

-Chingngaihlian Tunglut

May 16, 2020/NH_04

(Laigelh toh kisai kupbeh nuam a omleh, +919892316430 ah laigelhtu thuzaak theih diing hi.)

Chingngaihlian Tunglut
WRITTEN BY

Chingngaihlian Tunglut

She is one of the two co-founders and the in-house counsellor. Her freelancing works include lots of voluntary and 'Pro Bono' counselling in church and community. She is also extensively involved as a counsellor at Bombay YMCA Counselling Centre, CBD Belapur, Navi Mumbai. She has been trained and certified in several Mental Health and associated courses. She is also a certified trainer. She is passionate about young people and the issues they face. She has facilitated workshops on Mental Health and other relevant issues and is involved as facilitator in counselling courses and Sunday School teachers training from time to time.

(Please contact her for seminars and workshops about adolescent and youth issues and mental health etc. As a trainer, she is also passionate about training and equipping people to better serve the body of the Lord Jesus Christ in children, youth and women ministry)

Leave a Reply

Your email address will not be published. Required fields are marked *

Book Appointment