Tuhun A I Biakna Uh

0

“……misiangthoute kikhopna ah nang tuh lau in na om a, amau avek un, nang lau in a ding diinden uhi” -Sam 89:7

Hiai in ngaihtuah ding tampi honpia hi. Tulai a I Biakna dante uh toh tehtheih louh diing hi.

Saptuam ki hausa hulhul a, biakinn hoih pipi kitung velvol ta hi. Tua bang te a I masawn na uh kipahhuai in Toupa vualzawlna tang lua hang. I ki theihlouh lai un nuamsa tate ana hi mawk hang ei! Himahleh muhtheih lam a I masawn deuhdeuh hang un, I Kha lam dinmun uh niam huaihuai ado aw chih bang ngaihtuah khak in om sek hi. Biakinn hoih pi sung a Toupa phat a apai diing mi I tawm deuhdeuh ding uh lauh huai lotel hi. A lehlam ah, special program/function I chi maw, Ni thupi nite I chi zaw maw, tua nite hong om chiang in kikhop bang ki tamdeuh se hi.

Eite I kikhop chiang in leng, ei-leh-ei mitmei I ki enlai ua, Toupa pen 2nd stage hiam in kikoih zaw mawk hi. Toupa phat a, Amah bediing a I kikhop nate function na suak sak dekdek kasa hi. Biakna Inn sung te ah leng I omdan te uh Toupa mitmuh in bang I chidiing uo aw ka chizel hi.

Toupa Biakna pen nithupi nite vuak a biak theih ahikei a, mitam hun a leng Toupa biakinn va zawt pen ei Gingtu te omdan diing ahi kholkei. Pathian in ni 7 honpia a, huaiteng lak a Khawlna ni pen Amah Biakna ni a I zat diing ahi. Mun gamla a om a, haksatna / damlouhna hiam I nei hun in Biakinn a vapai sese leng a ngai kholkei hi, I omna peuh a Toupa om a, I omna ah Amah phatnalate sa in, Laisiangthou te simin, thumna hunte in leng zattheih lua hi.

Biakna Inn sung hiam / Biakna I neih na munte’ a midangte hiam, a tallang deuhte leh dinmun lian neite hiam maipha I et khak leh I tawpsan diing ahi. Ei gingtu te kikhopna pen tua bangdiing ahi kei a, Khrist a sapum khat leh unau khat I hih bang un, Toupa mai a dinmun ki bang vek hihang. Function na khong hiam in bel, miliante maipha ki en hi, tua bang tawndan I na neihpen Toupa Biakna huangsung a I zat louh diing ahi. Pathian a dia pomtak Biakna neithei ding leh, a nungzui muanhuai huai hithei chiat ding in Toupa’n hon vualzawl hen.

“Huchilou in zaw na lak ua pasal hiam, numei hiam, inkuan hiam, nam hiam, huai pathiante be din a lungtang un tuin Toupa i Pathian uh kiheisan in, na lak uah thil kha leh gamsai selkhiakna bulte na hongom kha ding uh.” – Diuteronomi 29:18

– Thangginom Hangshing

 

Thangginom Hangshing
WRITTEN BY

Thangginom Hangshing

He is one of our co-founder. Apart from writing our 'Weekly Inspiration' and expending himself  in technological works in church and community, he is also our technological whiz who single handedly created, managed and run this website.

Leave a Reply

Your email address will not be published.

Book Appointment