Hunteng A Thum

0

“The prayer of the upright pleases Him” -Proverbs 15:8

Thumna tuh Toupa toh I kizopna (relationship) hoih penpen ahi. Toupa’n I poimohte I genma inle ana thei khin a, eite’n amah kiang a I ngetchiang in Toupa kipakin, I nget sang a thupi zaw in hon vualzawl zawnak hi. I gingtu hinkhua a Thumna tellou zaw gingtu ki chih ding hi theilou in, zum huai hi. Thumna I chih Toupa toh I ki hou na ahih ziakin, thum peihkhollou a, eimah deih na bang a i pai khak chiang in I hinkhua ah buaina leh haksatnate’n honbawm nak zawsek hi. Khovel thupina, melhoihna, lalna leh minthang ut nate lungsim a I neihchiang in Toupa I belh ding bang in kibel theilou a, thumna hun piak ding leng baihlam hetlou hi.

Hunteng a thum diing ahih dan Laisiangthou in ana gen hi. Thumna I neihchiang in leng eimah adiing kia a thum lou in, midangte leng i thumpih ding ahi.

#/I Gam adiing I thumta am?
#/I Saptuam adiing I thumta am?
#/Pathian nasem te a diing I thumsak ta am?
#/I Melmate adiing I thumsak ta am? Thumna diing tamlua hi. Khollou in Toupa deih bang a om ding in I thumnate ah kilan thak ni maw!

“Thumna leh ngetna chiteng in, bangchiklai peuh in Kha in thum un. Huai lungsim a nei in, kiveng unla, misiangthou tengteng adia ngetsak in thum gige un.” Eph 6:18.

“Ngen un, piak in na om diing uh…..kuapeuh angen piak ahi..” Matthai 7:7,8

– Thangginom Hangshing

Thangginom Hangshing
WRITTEN BY

Thangginom Hangshing

He is one of our co-founder. Apart from writing our 'Weekly Inspiration' and expending himself  in technological works in church and community, he is also our technological whiz who single handedly created, managed and run this website.

Leave a Reply

Your email address will not be published.

Book Appointment